page 685, entry [1940]Open original source
صلاح جاهين يستدرك في أول ترجمته: صلاح جاهين وتوقيعه اسمه في بطاقته الشخصية: محمد صلاح الدين جاهين. صلاح جاهين وفي مصدر آخر: اسمه محمد صلاح الدين حلمي نجل بهجت أحمد حلمي المستشار بمحكمة الاستئناف. واختار اسم صلاح جاهين لأنه اسم جد من أجداده. وكانت وفاته بتاريخ ٢١ نيسان (أبريل). قلت: ثم وقفت على قصيدة دينيةجميلة له، ذكر أنها آخر ما كتبه. كما أثبتّ له صورتين مغايرتين (؟ )، فلعل في الأمر شيئا لم تعلنه مصادر ترجمته. والله أعلم. وقصيدته هي: ربنا غنوة للأطفال مين اللي كور الكرة الأرضية؟ ... مين اللي دورها كده بحنية؟ مين اللي في الفضا الكبير علقها ... ما تقعش منها أي نقطة ميه؟ مين اللي عمل البني آدمين ... مفكرين ومبدعين مين اللي أدانا عقول وقلوب ... وشفايف تسأل: هو مين؟ مين اللي دائما صاحي واخد باله ... وكلنا بنحبه ... ﷻ؟ ربنا احنا بنحب ربنا ... وربنا بيحبنا ... ويحبنا أكتر كمان ... لما نحب بعضنا *** عمل الفراشة بأجنحة وزوقها ... وكل فكره مدهشة حققها البحر حط له ملح لجل يعوّم ... وما سابش حاجة ... إلا لما خلقها مين لما بنطلب يسمعنا ... وف وقت الحزن يشجعنا ولما نفرح نشكر مين ... على أنه بسطنا ومتعنا؟ مين اللي قلبه علينا واحد واحد ... وكلنا بنحبه ... هو الواحد ربنا إحنا بنحب ربنا ... وربنا بيحبنا ... ويحبنا أكتر كمان ... لما نحب بعضنا *** سألتني طفلة قلت هو ما بيننا ... موجود في كل مكان وبيبص لنا يشوف بنسعد بعض والا لأه ... ومن الخطر يحرسنا ويحوش عنا في كل مكان ربنا موجود ... جنب الضعف وجنب المجهود يا ربنا. أنت جميل ... ومفيش كمثلك في الوجود مين الصديق اللي مفيش غنى عنه ... وكلنا بنحبه ... ونخاف منه ربنا احنا بنحب ربنا ... وربنا بيحبنا ... ويحبنا أكتر كمان ... لما نحب بعضنا (١)